ഇന്നെങ്കിലും വരാതിരിക്കില്ല്യാ..ല്ലേ?.. 🤨😐

ദുബായില്‍നിന്ന്‍ അബുദാബിക്ക്....

സമയം, രാത്രി പതിനൊന്നുമണി.. വിജനമായ ഹൈവേ.... FM റേഡിയോയിലെ പാട്ടുകള്‍മാത്രം കൂട്ടിന്....

"അവനവൻ കുരുക്കുന്ന കുരുക്കഴിച്ചെടുക്കുമ്പം ഗുലുമാൽ...
പരസ്പരം കുഴിക്കുന്ന കുഴികളിൽ പതിക്കുമ്പം ഗുലുമാൽ..."

നല്ലരസം......

പെട്ടെന്നാണത് സംഭവിച്ചത്...

ഇടിമിന്നല്‍പോലെ പുറകില്‍നിന്നൊരു ഫ്ലാഷ്!..

റിയര്‍വ്യൂ മിററിലൂടെ പുറകിലോട്ടു കണ്ണെറിഞ്ഞു.. ഒരു കുട്ടിച്ചാത്തന്‍, ക്യാമറയുടെ രൂപത്തില്‍, നിന്ന് ഇളിക്കുന്നു... കശ്മലന്‍..

യാന്ത്രികമായി കണ്ണുകള്‍ സ്പീഡോമീറ്ററിലേക്ക്.... 148/Hr ല്‍ സൂചികയുടെ പരിഹാസ്യനൃത്തം.... ശവം...

ശ്ശോ... 700 ദിര്‍ഹത്തിന്‍റെ അസ്സല്‍ പണി...

അന്നേമുതലുള്ള കാത്തിരിപ്പാ... അബുദാബി ട്രാഫിക് ഡിപ്പാര്‍ട്ട്മെന്റിന്റെ പാര നോട്ടിഫിക്കേഷന്‍ മൊബൈലില്‍ വരുന്നതുനോക്കി..

ദിവസമിപ്പോ മൂന്നുനാലായി... ഇന്നെങ്കിലും വരുമായിരിക്കുമല്ലേ... ങേ.. ഇനി വരാതിരിക്കുമോ!?

വരാതിരിക്കട്ടേ.. 'കുട്ടിച്ചാത്തന്‍' പൊട്ടനായിപ്പോകേണമേ.. മുത്തപ്പനൊരു മെഴുതിരി കത്തിച്ചോളാമേ...

പ്യാവം ഞ്യാന്‍...🙄😏😪😫😓