ചേമ്പിലക്കുമ്പിളില് നുള്ളി നിറയ്ക്കുവാന്
ചേലുള്ള ചേലയിലണയുന്ന കുട്ടികള്
ചാണകം മെഴുകും കളത്തില് നിരത്താനായ്
ചാഞ്ഞും ചെരിഞ്ഞുമിരിക്കും പൈതങ്ങള്
ചെത്തിയും ചെമ്പരത്തിയും കോളാമ്പിയും
നന്ദ്യാര് വട്ടവും മുല്ലയും മുക്കുറ്റിയും
മത്സരിച്ചഴകേറ്റും പൂക്കളമതൊന്നില്
മാലോകര് തന് മനം കുളിര്പ്പിച്ചെത്ര നാള്
ശുഭ്രമനോഹര ചേല തന് ചാരുതയും
നൈര്മല്യത്തിന് പര്യായപ്പെരുമയും
ദൈവമെന്തൊക്കെയെനിക്കു നല്കിയില്ലാ
എന്നിട്ടും ഞാനെന്തേ തഴയപ്പെടുന്നിപ്പോള്
ചാരത്തണയുവാന് പൈതങ്ങളില്ലേവം
മത്സരിച്ചറുത്തു പൂക്കുട നിറയ്ക്കുവാന്
തുമ്പയെന്തെന്നിന്നറിയാത്ത കുട്ടികള്
തുമ്പം തന്നു തോവാളപ്പൂ തേടുമ്പോള്
പാതയോരത്തെ പാഴ്ച്ചെടികളിലൊന്നായ്
പുല്ലു ഗ്രസിക്കും പശുവിന്നു തീറ്റയായ്
പൂവേ പൊലി പൂവേ വിളിയന്ന്യമായ്
പണ്ട് മാവേലിക്കരുമയാമീ മകള്... തുമ്പ.
-:എല്ലാവര്ക്കും ഓണാശംസകള്:-
- ജോയ് ഗുരുവായൂര്..
No comments:
Post a Comment